|
| മോഹന്ലാലും കമലഹാസനും ഒന്നിക്കുന്നു |
| വെള്ളി, 22 ജൂണ് 2007 ( 17:25 IST ) | |
മലയാളത്തിന്റെ സൂപ്പര്താരം മോഹന്ലാലും തമിഴകത്തിന്റെ നവരസനായകന് കമലഹാസനും ഒരു സിനിമയില് നായകന്മാരാകുന്നു. മേജര് രവി സംവിധാനം ചെയ്യുന്ന ചിത്രത്തിലാണ് അഭിനയ ചക്രവര്ത്തിമാര് ഒന്നിക്കുന്നത്. രവിയുടെ മിഷന് 90 ഡെയ്സിന് ശേഷമായിരിക്കും ഈ ചിത്രത്തിന്റെ ചിത്രീകരണം ആരംഭിക്കുക.
ഒരു യാത്രാവിമാനം കാണ്ഠഹാറില് താലിബാന് തീവ്രവാദികള് തട്ടിക്കൊണ്ട് പോകുന്നതും യാത്രക്കാരെ രക്ഷിക്കാനായി രണ്ട് കമാന്ഡോകള് നടത്തുന്ന പരാക്രമങ്ങളുമാണ് ഈ സിനിമയുടെ പ്രമേയം. കമാന്ഡോകളായാണ് മോഹന്ലാലും കമലഹാസനും എത്തുക. ഈ ചിത്രത്തിന്റെ കഥ പൂര്ത്തിയാക്കുകയാണ് മേജര് രവി ഇപ്പോള്.
മോഹന്ലാലും കമലഹാസനും ഒന്നിക്കുന്ന സിനിമ ഒരു മഹാസംഭവമായി മാറത്തക്ക രീതിയിലുള്ള മുന്നൊരുക്കങ്ങളാണ് നടന്നു കൊണ്ടിരിക്കുന്നത്. മലയാളത്തിലും തമിഴിലുമായി ഈ ചിത്രം പുറത്തിറങ്ങും. മേജര് രവിയുടെ കീര്ത്തിചക്ര കേരളത്തിലും തമിഴ്നാട്ടിലും റിലീസ് ചെയ്തിരുന്നു. ‘അരണ്’ എന്ന തമിഴ് കീര്ത്തിചക്രയും സൂപ്പര്ഹിറ്റായിരുന്നു.
രണ്ട് സൂപ്പര്താരങ്ങള് അഭിനയിക്കുന്ന ഈ ചിത്രത്തില് നായികമാരെ തീരുമാനിച്ചിട്ടില്ല. എങ്കിലും ബോളിവുഡില് നിന്നായിരിക്കും നായികമാരെന്ന് സൂചനയുണ്ട്. മേജര് രവിയുടെ സ്ഥിരം ക്യാമറാമാനായ തിരുവായിരിക്കും ഈ ചിത്രത്തിനും ക്യാമറ ചലിപ്പിക്കുന്നത്.
| | (ഉറവിടം - വെബ്ദുനിയ) |
| |
| | | |
|
|
|
|
|
| ആരോഗ്യ പ്രശ്നം - ഒരു പനി വന്നാല് പോലും വിദഗ്ദ്ധ ചികിത്സ തേടുന്നവര്... |
| |
|
|
|
|
 | | PR |
| | |
| |
|
|
|
|
|
| വ്യവസായം വാര്ത്ത - മധ്യേഷ്യയിലെ ടെലികോം വിപണി സ്വന്തമാക്കാനായി ഭാര്തിയും റിലയന്സും ചേര്ന്ന് നടത്തിയ നീക്കം പാളി.... |
| |
|
|
|
|
|
|
|
