|
| ലാല്... നിങ്ങള് അതു ചെയ്തു!!!!” | | - യാത്രി ജെസെന് |
| 28 ഏപ്രില് 2009 ( 10:55 IST ) |
|
പതിനാലു വയസുകാരന് വിക്കിയുമൊത്താണ് ഞാന് സിനിമാഹാളിലെത്തിയത്. സത്യത്തില് അവന്റെ നിര്ബന്ധമായിരുന്നു ആദ്യ ദിവസം തന്നെ ‘ക്രേസി ഫോറി’നെ കാണുക എന്നുള്ളത്. മഹാദേവനെയും ഗോവിന്ദന്കുട്ടിയെയും തോമസുകുട്ടിയെയും അപ്പുക്കുട്ടനെയുമൊക്കെ എന്നേക്കാള് പരിചയം വിക്കിക്കാണ്. അവന് അവരുമായി ദിവസവും സല്ലപിക്കാറുണ്ട്. അവരുടെ തമാശകളാണ് അവന് ഇപ്പോഴും അനുകരിക്കാറുള്ളത്.
രജനീകാന്തിന്റെ സിനിമകള് റിലീസാകുമ്പോള് തമിഴ്നാട്ടിലാണ് സിനിമാഹാളിനുള്ളില് ഭ്രാന്തന്മാരെപ്പോലെ ആര്പ്പുവിളിക്കുന്ന കാണികളെ ഞാന് കണ്ടിട്ടുള്ളത്. മലയാളത്തില്, ഫോര് ദി പീപ്പിളിലെ ‘ലജ്ജാവതി’ പാടുമ്പോള് ആളുകള്ക്ക് നിയന്ത്രണം വിടുന്നത് ശ്രദ്ധിച്ചിരുന്നു. അത്തരമൊരു അവസ്ഥയില് വീണ്ടും പ്രേക്ഷകരെ കാണുന്നത് ഇപ്പോഴാണ്, ഇന്നലെ, ഏപ്രില് ഒന്നിന് തിരുവനന്തപുരത്ത് ‘2 ഹരിഹര് നഗര്’ പ്രദര്ശിപ്പിക്കുന്ന തിയേറ്ററില്. അവര് ഇടയ്ക്കിടെ വിളിച്ചുകൂവുന്നതു കേട്ടു - “തോമസുകുട്ടീ വിട്ടോടാ...”. വിക്കി അതിനു മറുപടിയായി ഉച്ചത്തില് പാടി - “ഏകാന്ത ചന്ദ്രികേ...”. സിനിമ കാണുന്നതിന് മുമ്പ് തന്നെ സിദ്ദിഖ് - ലാലിനെ മനസില് നൂറുവട്ടം അഭിനന്ദിച്ചു. നിങ്ങള് 18 വര്ഷം മുമ്പ് ചെയ്ത ഒരു സൃഷ്ടിയുടെ അലയൊലികള് ഇനിയും അവസാനിച്ചിട്ടില്ല ‘ഫ്രണ്ട്സ്’.
ഒരു സിനിമയിലെ എല്ലാ കഥാപാത്രങ്ങളെയും പരിചയപ്പെടുത്തി വരുമ്പോഴേക്കും സിനിമയുടെ പാതിഭാഗം അവസാനിച്ചിരിക്കും. ഈ പരിചയപ്പെടുത്തല് കര്മ്മം കഥ പറയാനുള്ള റിസ്ക് കുറയ്ക്കുന്ന ഒരു ലോജിക്കാണ്. ഇടവേളയ്ക്ക് ശേഷം കഥ എങ്ങനെ മുന്നോട്ടു കൊണ്ടുപോകണമെന്നേ പിന്നീട് സംവിധായകനും തിരക്കഥാകൃത്തിനും തലപുകയ്ക്കേണ്ടതുള്ളൂ. എന്നാല് ഇതേ സിനിമയ്ക്ക് രണ്ടാം ഭാഗം ചെയ്യുമ്പോള് പതിയിരിക്കുന്ന അപകടം വളരെ വലുതാണ്. കഥാപാത്രങ്ങളെയെല്ലാം പ്രേക്ഷകന് നേരത്തേ അറിയാം. അവരെ വീണ്ടും പരിചയപ്പെടുത്തേണ്ട കാര്യമില്ല. കഥ പറയുക എന്ന ജോലി ആദ്യ രംഗം മുതല് ആരംഭിക്കേണ്ടി വരും. ഹരിഹര് നഗറിന്റെ രണ്ടാം ഭാഗത്തില് ലാല് അത് ഭംഗിയായി നിര്വഹിച്ചിരിക്കുന്നു. പടം കഴിഞ്ഞ് പുറത്തിറങ്ങിയപ്പോള് കണ്ട സിനിമാ സുഹൃത്ത് അനില് പറഞ്ഞത് ‘ലാല് അത് ചെയ്തു’ എന്നാണ്. അതെ...ലാല് അത് ചെയ്തിരിക്കുന്നു! ‘2 ഹരിഹര് നഗര്’ അടുത്തകാലത്ത് കാണാന് കഴിഞ്ഞ കോമഡി വിസ്മയമാണ്.
| | (ഉറവിടം - വെബ്ദുനിയ) |
|
| |
| | | |
|
|
|
|
|
| ദിവസഫലം - ഉല്ലാസയാത്രയ്ക്ക് അവസരമുണ്ടാകും. വാഹനങ്ങള് സൂക്ഷിച്ചു കൈകാര്യം ചെയ്യുക. പൊതുവേ മെച്ചപ്പെട്ട സമയം. ഭക്ഷണ കാര്യങ്ങളില് ശ്രദ്ധ വേണം... |
| |
|
|
|
|
 | | AP |
| | |
| |
|
|
|
|
|
| വ്യവസായം വാര്ത്ത - ആഗോള സാമ്പത്തിക വളര്ച്ച കൂടുതല് ഇടിയുമെന്ന് അന്താരാഷ്ട്ര നാണയനിധി അഭിപ്രായ... |
| |
|
|
|
|
|
|
