|
| ജയ്പൂര് സ്ഫോടനം: ധനസഹായം പ്രഖ്യാപിച്ചു |
| ജയ്പൂര് (ഏജന്സി), ബുധന്, 14 മെയ് 2008 ( 10:02 IST ) | |
ജയ്പൂരില് ചൊവ്വാഴ്ച വൈകുന്നേരം നടന്ന സ്ഫോടന പരമ്പരയില് മരിച്ചവരുടെ കുടുംബങ്ങള്ക്ക് രാജസ്ഥാന് സര്ക്കാര് അഞ്ച് ലക്ഷം രൂപ വീതം ധനസഹായം നല്കും. ഗുരുതരമായി പരിക്കേറ്റവര്ക്ക് ഒരു ലക്ഷം രൂപ വീതവും നിസാര പരിക്കേറ്റവര്ക്ക് 25,000 രൂപ വീതവും നല്കാന് തീരുമാനമായതായി ഔദ്യോഗിക വക്താവ് അറിയിച്ചു. ചൊവ്വാഴ്ച രാത്രി നടന്ന സ്ഫോടനത്തില് എണ്പതോളം പേര് കൊല്ലപ്പെട്ടിരുന്നു. ഇരുനൂറോളം പേര്ക്ക് പരിക്കേറ്റിട്ടുണ്ട്. ബംഗ്ലാദേശ് ആസ്ഥാനമായി പ്രവത്തിക്കുന്ന ഭീകര സംഘടനയായ ഹുജിയാണ് സ്ഫോടനത്തിന് പിന്നിലെന്നാണ് പ്രാഥമിക നിഗമനം. വിദേശ സഞ്ചാരികള് ധാരാളമായി ഒത്തുകൂടുന്ന മനാക് ചൌക്, ഹവാ മഹല്, ജോഹ്രി ബസാര്, സാങ്കനേര് ഗേറ്റ്, ട്രിപ്പോളിയ ബസാര് എന്നിവിടങ്ങളിലാണ് ഇന്നലെ വൈകുന്നേരം 7.40ന് ശേഷം മിനുട്ടുകളുടെ വ്യത്യാസത്തില് ആറ് സ്ഫോടനങ്ങള് നടന്നത്.
സ്ഫോടനത്തെ തുടര്ന്ന് ഡല്ഹി, മുംബൈ, ജമ്മു കശ്മീര്, ഉത്തര്പ്രദേശ് എന്നിവിടങ്ങളില് ജാഗ്രത നിര്ദേശം പുറപ്പെടുവിച്ചിട്ടുണ്ട്. ദേശീയ സുരക്ഷാ ഗാര്ഡിന്റെ ബോംബ് സ്ക്വാഡ് ജയ്പൂരിലെത്തി അന്വേഷണം ആരംഭിച്ചിട്ടുണ്ട്. ട്രിപ്പോളിയ ബസാറിലെ ഹനുമാന് ക്ഷേത്രത്തില് ഉത്സവമായതിനാല് ഇന്നലെ നഗരത്തില് പതിവിലേറെ ജനത്തിരക്കുണ്ടായിരുന്നു. ഇത് മുന്കൂട്ടി കണക്കാക്കിയാണ് സ്ഫോടന പരമ്പര ആസൂത്രണം ചെയ്തതെന്ന് കരുതപ്പെടുന്നു. സ്ഫോടന സാധ്യതയെ കുറിച്ച് രഹസ്യാ ഏജന്സികള് നേരത്തെ മുന്നറിയിപ്പ് നല്കിയിരുന്നെങ്കിലും പൊലീസ് ഇത് അവഗണിക്കുകയായിരുനെന്ന് ആരോപണമുണ്ട്.
| | (ഉറവിടം - വെബ്ദുനിയ) |
| |
| | | |
|
|
|
|
|
| ദിവസഫലം - ആരോഗ്യനില തൃപ്തികരമാകും. ടെന്ഷന്, അലച്ചില് എന്നിവ ഇല്ലാതാകും. ചെറിയതോതില്... |
| |
|
|
|
|
 | | AP |
| | |
| |
|
|
|
|
|
| വ്യവസായം വാര്ത്ത - അന്താരാഷ്ട്ര നാണയ നിധിയുടെ ഏഷ്യ പാസഫിക് ഡയറക്ടറായി ഇന്ത്യയിലെ അനൂപ് സിംഗ് നിയമിതനായി. മാനേജിംഗ് ഡയറക്ടര്... |
| |
|
|
|
|
|
|
|
