|
| സാമുവല്സ് നിയമ നടപടിക്കൊരുങ്ങുന്നു |
| മെല്ബണ് (ഏജന്സി), തിങ്കള്, 19 മെയ് 2008 ( 15:26 IST ) | |
ഇന്ത്യക്കാരനായ വാതുവയ്പ്പ്കാരനുമായി ബന്ധപ്പെട്ടതിന്റെ അടിസ്ഥാനത്തില് രണ്ട് വര്ഷത്തെ വിലക്കേല്പ്പിക്കപ്പെട്ട വെസ്റ്റിന്ഡീസ് ക്രിക്കറ്റ് താരം മര്ലോണ് സാമുവല്സ് വെസ്റ്റിന്ഡീസ് ക്രിക്കറ്റ് ബോര്ഡിനെതിരെ നിയമ നടപടിക്ക് ഒരുങ്ങുന്നു. വിലക്കിനെതിരെ കോടതിയെ സമീപിക്കാനാണ് സാമുവല്സിന്റെ തീരുമാനം. വില്ലക്കേര്പ്പെടുത്താന് തീരുമാനിച്ച അച്ചടക്ക സമിതിയുടെ ഒരംഗത്തിന്റെ പിന്തുണയും ഇക്കാര്യത്തില് സാമുവല്സിന് ഉണ്ടെന്നാണ് വാര്ത്ത പുറത്തുവിട്ട ഹെറാള്ഡ് സണ് ദിനപത്രം റിപ്പോര്ട്ട് ചെയ്തിട്ടുള്ളത്.
സാമുവല്സിന് വിലക്ക് ഏര്പ്പെടുത്താന് തീരുമാനിച്ച വെസ്റ്റിന്ഡീസ് ക്രിക്കറ്റ് ബോര്ഡിന്റെ അച്ചടക്ക സമിതിയംഗമായ മുന് നായകന് റിച്ചി റിച്ചാര്ഡ്സണ് പിന്നീട് സാമുവല്സിനു മേല് അച്ചടക്ക നടപടി സ്വീകരിക്കുന്നത് കടുത്ത അനീതിയാണെന്ന് അഭിപ്രായപ്പെട്ടിരുന്നു. അന്തര്ദേശീയ ക്രിക്കറ്റ് കൌണ്സിലിന്റെ കടുത്ത നിയമങ്ങളാണ് നടപടിക്ക് കാരണമെന്നും റിച്ചര്ഡ്സണ് പറഞ്ഞിരുന്നു.
വാതുവയ്പ്പുകാരനായ മുകേഷ് കൊച്ചാറുമായി ബന്ധപ്പെട്ടതിന്റെ പേരിലാണ് സാമുവല്സിനെതിരെ നടപടി എടുത്തത്. 2007 ജനുവരിയില് നാഗ്പൂരില് ഇന്ത്യയും വെസ്റ്റ് ഇന്ഡീസുമായി നടന്ന ആദ്യ ഏകദിനത്തിനുള്ള ടീമിനെക്കുറിച്ചുള്ള വിവരങ്ങള് കോച്ചാര്ക്കു നല്കിയെന്നായിരുന്നു സാമുവല്സിനെതിരായ ആരോപണം. വെസ്റ്റ് ഇന്ഡീസ് ക്രിക്കറ്റ് ബോര്ഡിന്റെ അച്ചടക്ക സമിതി നടത്തിയ അന്വേഷണത്തില് ഇതു സത്യമാണെന്നു തെളിഞ്ഞതിന്റെ അടിസ്ഥാനത്തിലായിരുന്നു നടപടി.
| | (ഉറവിടം - വെബ്ദുനിയ) |
| |
| | | |
|
|
|
|
|
| ദിവസഫലം - ആരോഗ്യനില തൃപ്തികരമാകും. ടെന്ഷന്, അലച്ചില് എന്നിവ ഇല്ലാതാകും. ചെറിയതോതില്... |
| |
|
|
|
|
 | | WD |
| | |
| |
|
|
|
|
|
| വ്യവസായം വാര്ത്ത - ലക്ഷം രൂപയുടെ സ്വപ്ന കാറായ നാനൊ വിദേശ വിപണിയും ലക്ഷ്യമിടുന്നതായി ടാറ്റാ മോട്ടോഴ്സ് വ്യക്തമാക്കി... |
| |
|
|
|
|
|
|
|
